هااااااااااااااااااااااااااي
مرحباااا ياحلوين كيفكم؟؟
امممممممم ماراح اطول عليكم كثير وبخليكم مع يوميات جنين خطيييييييييره
المكان : في مكان ما
الزمان : في زمان ما
المناسبه : لا داعي للمناسبات !! فالعنوان واضح من كتابه
تحديدا ً يوم دخل الشهر السااابع وانا في بطن أمي !! كل الشهور اللي راحت وانا متحمله .. انام على جريش .. واقوم
على عسكريم منجا .. واحيانا ًرز ,, وللأمانة ( نادرا ً ) ملوخيه !!!
آآآآه مأسااااة .. ولكن :
من يوم دخل الشهر السابع .. وانا النظااام متغير علي !!! الله يهديها امي .. ماغير تاكل رز هندي !! قسم بالله احترررقت ما غير اصااايح في بطنها يوم تأزززم الوضع مره .. دقيت على خويي في بطن امها ..
هلا .. هاه ؟؟ بشر وش تاكل امك ؟؟
قال : لا ابشرررك الأوضاااع مايحتااج .. انواع التبولة .. والعصيرات ..
قلت .. ياخوي ياحظظظظك !!! تبادليني اسبوع بس !!
قالل: ليه ؟؟ وش الوضع عندك !!؟
قلت .. خلها على ربك ياشيخ .. والله ماغير ارااافس . . انواع الحرااارة . . احس اني ابحترق
ومرت الأيام .. وانا ماغير ادعي بتالي الليل : اللهم اغثنااا .. اللهم اغثنااااا
وانا ادعي .. كني سمعت امي تقول لأخوي الكبير ,, رح جب ماك سبايسي آآآه ياويل قلبي
بصراحه بيني وبينكم .. شهر سبعه كان أصعب وأقسى شهر عشته في حياااتي يعني اقدر اسميه " شهر الجفاف "
حررر ورطوبة .. وعطشششش .. وقلّ نوم ..!!!
يوم دخل شهر ثمانية .. بدت تخف الحراااره .. وتزول الحرااائق !! ويرحل العطش .. ويندثر الجفاف << مقدررر !! اللي يبي
مدرسة لغة عربية , يدق على ايميلي
المهم شهر ثمانية .. ماااش النفسيه كانت مش ولابد !!! مزززكمه وحالتي صعععبه ..!! والانفلونزا لعبت فيني لعب !!
بس الحمد لله الدكتور معطيني اجاازة مرضيه .. يعني اغيب على كيفي !!!
بس مع هذا وذااااك .. امي ماااسكة معها غلططط !!! ماغير تاكل عسكريم .. المشكله العسكريم اللي تاكله بارد <<
لاياشيخ
عااد ليت العسكريم ,, باسكن !!! كان زييين !!! ما تاكل امي الا عسكريم ابو فيييل !!! هذاك اللي بـ نص ريالّ !!
وانا مزززكم.. .. وكل مايدخل العسكريم عندي , اسكررر خشمي بيدي .. كني أبطب في مسبح
وادق على واحد من العيال في الشرقيه ,, قلت ها بشر ؟؟ كيف الأجواء عندكـ ؟
قالت ... لا ابشرك الحمد لله ,, العظمى خمسن واربعون , والصغرى ثلاااثااا عشرااا !!
قلت زييين ماشاء الله .. اسمعي الله لا يهينك ,,, انا هالشهر خاطري بكرواسون وسفن اب حااار اذا جاااك ,, تكفى
ارسليلي وساائط
مرت الأيام .. ودخل الشهر التاااسع واقترررب الفرج .. وارسلت لأمي مسج , كان مفاااده , ما يلي :
أميمتي الغاليه :
هذا آخر شهر !! الله يرحم والديك .. ودي احس اني انساان .. ابي آكل بعيدا ً عن الحرائق .. وبعيدا ً عن المثلجات !! يعني
حاولي تجربين لو لمجرد التجربه .. تبولة .. حمص .. كبة .. بطيخ .. جربي ولن تندمي !!
أمي : هل تلبين رغبتي ؟؟
المخلص :
الحبوب الصغير
يوم كتبت المسج ,, وضغطت على " ارسال " طلع لي : تأكد من خدمات الشبكة
دريت ان الجوال مفصول
وجاني مسج : (( عزيزي العميل .. والله لو تنااقز منااقززز .. ما فتحنا جوالك ))
باءت محاولاتي بالفشل !!! وجلست انتظر .. وانتظر .. وانتظر .. لين ملّ الإنتظااار
والحمد لله .. واطلع للدنيا .. وانا عطشااان .. ويحطوني في غرفة الحضانه !! يوووه انواع المبزرة !!!!!
وكلهم يصااايحون .. !!! قسم بالله انوااااع الإزعااااج .. والضجيج !!!
وجنبي بالحضانة.. فلبينيه .. ياهي مززعجه .. واناظرها كذا بطرف عين !!!
ياكوافيرة المستقبل .. الحين وش بك ازعجتينا ؟؟؟ اوووص نبي نناام شووي
ناظرتني كذا .. وهي مفهيه ؟؟ قالت الحين وراه ما تصيحين ؟؟؟
قلت الحمد لله والشكر !! وش يصيحني !!! ..
عاد قعدت انادي الممرضه .. قلت لها جيبي لي كااس موية الله يرحم والديك ..!! قسم بالله ماعاد اقدر اتنفس .. من ذا الرز الهندي
واسمعي .. اهم شي المويه يصير فيها ثلج !! والله لا يهينك ... ابي الثلج بااااارد
المهم شربت وريحت .. كان ودي آخذ لي غفوه !!! بس اعوذ بالله ماخلوني في حاالي ..
نصيحه : لا أحد يصير حلو !!!!!!
والله من وااقع تجربه ..!! صدقوني .. ما خلوني في حالي .. كل شوي زايرني واحد .. وانواع البووووس واللعب بخدودي
بس خلااااص ... هذا درس !! وأخذت العبره منه !!!
المره الجااية .. اذا جيت انولد .. أبدخل بودي ماستر عشان أقدر ادافع عن نفسي