::في ذمتي::

في ذمتي الغلا فيك مجنون
واني احبك موت وانته جنونيـ
في ذمتي انك معي قلب وعيون
و انته فرحة عمري و حظي وعونيـ
وفي ذمتي اني بدونك انا دون
واني بقربك كلهم يحسدونيـ
كني معك في كون و العالم في كون
نمشى على رمش الغلا يا فتونيـ
شوفك مطر وزهور وطيور ومزون
شوفك طبيعه حالمة بالسكونيـ
شوفك صباح مشرق الوجه واللون
شوفك مدينه ساهره في عيونيـ
كيف اوصفك والوصف في وصفك فنون
فيك الحروف الوافيه يقصرونيـ
في ذمتي مجنون مجنون مجنون
و فيك الغلا خايف يزود جنونيـ