واحد اسمه خالد جاه مرض وقالوا له انه بيموت
كتب الشعر لصديقه يقول له فيه انه يحب حبيبته ويبي
من خويه هذا انه يخليها تنساه
لاتفوتكم راح تعرفوا....معنى الحب الحقيقي
.................................................. ....
وصاتي لك من بعدي ........ تموت فيها على شاني
أبيها تعيش وتحيا بك ........ وأظل بالذاكرة مفقود
وصاتي لك تنسيها ........ملامح وجهي و تنساني
وتعزفها قصيدة حب ........ على عكس اللي عزفته بعود
وصاتي لك تبعدها ........ عن أشعاري وقيفاني
تراها مغرمة بالحيل ........ ويشهد لي عدد الردود
وصاتي لك تسايرها ........ ترى فيها من أحزاني
طلبتك لا يضيق بالك ........ طلبتك والطلب مردود
وصاتي لك تناديها ........ حياتي..عمري..أزماني
أنا عودتها دايم ........ ادلعها وأنا موجود
وصاتي لك تعاملها ........ بطيبه قلب و احساني
تراها تذرف الدمعة ........ ودمعته ا بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لا يمكنه بيعود
وصاتي لك ترسمها ........ على قبري وأكفاني
أبيها لوحة تبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لا تصير جلمود
وصاتي لك تقهويها ........ من دلالي وفنجالي
راها تعشق السمرا ........ ويكفيها دخون العود
وصاتي لك تركبها ........ على خيلي و على حصاني
وربي فارسة من قلب ........ شهادةماهي لشهود
وصاتي لك تسفرها ........ بلاد الشام و لبناني
ترى يحلالها تقطف ورده ........ وردة من بلد الورود
وصاتي لك تراقصها ........ على الحان رحباني
ترى فيها عرق خالة ........ وفيها من جنون السود
وصاتي لك تحببها ........ فأبو نورة بعد هاني
وتنسيها ندم غلطة ........ أنا فيها ترى المقصود
وصاتي لك تكرهها ........ في تاريخي وعنواني
أبيها تلعن اللحظة ........ وتلعن كل فرح موعود
وصاتي لك تكلمها ........ عن المجني وعن الجاني
وتخليني أنا الظالم ........ وأنا من حرق الأخدود
وصاتي لك تشبهني ........ بدم أحمر قاني
وأنا هالقاتل السفاح ........ مجرم من عصر نمرود
وصاتي لك تحلفها ........ تتوب تحبني ثاني
ترى يكفيها ما عانت ........ ويكفي حيلها مهدود
وصاتي لك تنسيها ........ وصية قالها لساني
أناأخبرك رجل موقف ........ وانت قدهاوقدود
صديقي مالقيت غيرك ........ يعرف وشلون تنساني
أمانه ضمهابقلبك ........ ترى خالد....رحل مايعود
أمانه ضمهابقلبك ........ ترى خالد....رحل مايعود
فعلا...هذا هو الحب الحقيقي...
دمتم بحب
السبت يونيو 07, 2008 8:41 am
