يا عمر ليه ضيعتني ((ابرار وعبدالله ))

احداث القصه واقعه في الاحساء
ابطال القصه
عبدالله :طالب ٣ ثانوي ١٩ سنه
ابرار :طالبه ٢ ثانوي ١٧ سنه
........................
خرجت من المنزل والغضب يحتوينى اثر مشاده كلامه بينى وبين اهلي والليل يكسوا المكان ماشيا على قدماي في البدايه جلست افكر بينى وبين نفسي بذكريات عشتها ولاتمحى من مخيلتي من حلوها ومرها
اخرجت جوالى وجلست اناضر مافي محتواه من صور لاسترجع الماضي الذي لا ينسى وبغمضت بصر توقفت عن احد الصوره واناضرها بشده وجلست ابكي ابكي بشده انها صوره من عشت معه مراهقتي انها احلى ايامي انها ابرار .
..............................
الجزء الاول
عبدالله : هلا علي الوعد اليوم في الشات حق المنتدى اوكي
علي : اوكي
دخلنا الشات {وكن في هالشات حركه حلوه بأن محد يقدر يدخله الا مسجل بالمنتدى وبنفس النك نيم حقه}
كان النك نيم حقي{ الملك عبادي} وكان علي {صمت المشاعر } كانو الى يجلسو بالشات نفسهم يومين وانا كنت مدمن عليه انا كنت متعرف على بنات قد شعر راسي بس كنت اكلمهم بالايميل بس واكثرهم كانو يتميعو وحقين شحن ويحبون شباب ويجلسون عندي يشكون لي كانت من بينم وحده اسمها ابرار هذي كانت مميزه عندي لانها من نفس بلدي من الاحساء بس انا من الهفوف وهي من قريه القاره .
كانت تحب واحد من الدمام معانا بالشات اسمه رعد {رعد كان لعاب كثير وراعي مراقص وسفرات الى البحرين وكذا }انا كنت اكره كثير وكنت ابغا احمي ابرار منه بأي طريقه .
ابرار ;هلا عبووودي كيفك يادب
عبدالله : تمام وانتي يا الدبه شخبارك
ابرار : زفت ما نمت ولا اكلت لى يومين
عبدالله : ليش عسى ماشر رعيد هالخبل سوى لك شي ,,قولي لي ترى اذبحه
ابرار : تعرف الفراشه البحرينه الى معانا بالشات !
عبدالله : ايه شفيها
ابرار : كلمتنى اليوم تقول انها تحب رعد ورعد يحبها وتبغانى اتركه لها
عبدالله :ماعليكي منها هذي حسوده بس تراه صدق لعاب وانا ابغاكي تتركيه
ابرار : لا صحيح يحبها خلتنى اشوف رقم جواله وشفت رسايله لها اهئ اهئ خلاص انا بتركه
عبدالله :عين العقل شلك فيه وفعوار الراس
ابرار :بس شلون اقوله !
عبدالله :عطينى رقمه وانا اقوله انى اخوكي واتفاهم معاه
ابرار :اوكي خذه ٠٥٥٥xxxxxx
عبدالله :ابن اليه رقمه رهيب
خلاص العصر ادق عليه
ابرار :ابغاك تخبرنى كل شي اول بأول
عبدالله :الليل اخبرك
ابرار :لا ابغا على طول مافينى صبر
عبدالله :ماقدر انا ماأكون في البيت يعنى شتبغينى اسوى!
ابرار : امممم عطنى رقم جوالك
عبدالله :ليش ترى اناولامره كلمت حرمه استحي ما اعرف
ابرار :بس عن طريق الرسايل
عبدالله :اوكي بس انتي عندك جوال ¿
ابرار :لا جوال امي
عبدالله : انا خايف عليكي لا لمن ارجع اكلمك مسنجر
ابرار :لاتخاف انا الجوال عندي واول ما ارسلك اخذفها
عبدالله :اوكي اخذي
٠٥٤xxxxxxx
رقمي مو مميز بس يأخذ بالغرض
ابرار :اوكي
طوط طوط طوط طوط
رساله
ابرار :وصلت الرساله !
عبدالله : يس .<كول مي >
ابرار :العصر اوكي
عبدالله :اوكي
ابرار :انا بطلع من النت اخوي محمد بيجي من الدوام اوكي
عبدالله :اوكي
ابرار :مع السلامه
عبدالله :الله يسلمك ويسمنك ويعرسك
..........................
الجزء الثانى
عبدالله : علي شريحتك الى بدون اسم موجوده !
علي :يس
عبدالله :ابغاها الحين
علي :ولايهمك
عبدالله :على الباب
علي :طلعت لك
عبدالله :دق على هذا الرقم وشوف شنو بقول
علي :نشوف
طوط طوط طوط
رعد :الو !
عبدالله :ياحمار يا%طيطيطيطيطيط
رعد :من انت ! خايف حده يتعتع بالكلام
عبدالله :انا اخو ..... اسمعنى عدل اترك عنك البنت لا اجيك لمحلك وانحرك واخليك تحط اباطي
رعد :<<شوى وبيسويها بهدومه
{رعد كان يسمع من ابرار عن شباب القاره وانهم شديدين ولايهمهم شي }
{ابرار سوت القاره نفس العواميه في نضر رعد }
اوكي انا اسف
عبدالله : وهو يسب خلك رجال تفوه عليك
رعد : توت توت سكر السماعه .
علي :كل ذا يطلع منك يالدب !
عبدالله :واكثر يابوحسين
علي : انا على بالى رعد يخوف بس طلعت انت تخوف الى ماتخوف
عبدالله :<<مسوى ابوعنتر تعلم من خويك
طوط طوط >كول مي ابرار
رسلت لها رساله وقالت لها كل الى صار بس بدون السبات
ابرار >رسلت رساله /مابنسى معروفك
في الليل دق جوالي رقم غريب
عبدالله : سلامن عليكم مين >النون حقت الرزه والعنتره
ابرار :وعليكم السلام افا ما عرفتنى انا ابرار
عبدالله :انقلب وجهه بنفسجي على احمر وشويت وردي \هلا بيكي ومرحبا
ابرار :مشكور عبودي وماقصرت خيرك علينا زايد
عبدالله :كلنا اهل وحبايب واهل بلد وحده >وخرو عنه
ابرار :اسفه لانى اتصلت بس قالت لازم اسمع صوت من انغذنى من الغدار رعد لزم اسمع صوت احلى صوت بالعالم
عبدالله <متفاجئ اول مره تكلمه بنت وتغازله بعد طاح اصفر من الخجل وسكت
ابرار :وشفيك سكت انا اسفه وايذا هاشي يريحك انا بسكر وماراح اتصل مره ٢
عبدالله :لا لا لا لا انا ابغا اسمع صوتك كل يوم
ابرار :صحيح
عبدالله :وغلابك صحيح
جلسو في ذاك اليوم يسالفو الى ان خلص رصيد الاثنين
وكل واحد يحلم بالثانى .
............
في اليوم التالي في المسنجر
عبدالله : هلا برورتي
ابرار :هلا بيك حياتي
عبدالله :عسى نمتي امس عدل !
ابرار : لاوالله كنت افكر فيك !
عبدالله : تفكري فيني! انا >شوي وبيطير من الفرح
ابرار :ايه انت يعنى في احد غيرك
عبدالله : لامو قصدي بس تفأجأت
ابرار :عبودي اليوم بدق عليك من تليفون البيت شريت بطاقه الو اوكي
عبدالله: اوكي
<<<في الوقت الى كان عبدالله يكلم ابرار دخلت وحده من خوياته بالمسن كان يسوى روحه يحبها <<<
رشا :هلا عبودي حياتي اشتقت لك وين هالغيبه
عبدالله : انا موجود بهالدنيا وين بروح يعنى
رشا :لا موقصدي بس ليش ماتدخل المسن هاليومين
عبدالله :الضروف تخلي الواحد خروف
رشا : لوتدري شنو صار لي باليومين ذول
عبدالله : رشا انا الحين مشغول اسف
رشا :مشغول بشنو !
عبدالله :عندي موضوع مع اميره > النك نيم لابرار <
رشا : عبدالله !!
عبدالله : هلا ¿
رشا حطت عبدالله بلوك بعدين دليت وقررت تنساه الى الابد
ابرار : عبادي شفيك ساكت !
عبدالله :ها لا بس كنت اشارك بالمنتدى
ابرار :اها
عبدالله :ابرار انا ابغا منك طلب
ابرار :تفضل
عبدالله :ماتدخلي على الشات مره ٢
ابرار :من هالعين لهالعين
{معروفين اهل القاره بالكلام المعسول}
عبدالله : يالله انا استاذن
ابرار :اوك لاتنسى العصر اوك
عبدالله :اوكي باي
ابرار :عبودي ابغا اقولك شي قبل !
عبدالله :قولي
ابرار : انا أ ^ ح ^ ب ^ ك
عبدالله مستانس :وانا بعد احبك
ابرار :يالله باي
عبدالله :باي
...........................

[b][i]

الجزء الثالث
مرت ٣ شهور على الاتصال الاول بين عبدالله وابرار وكانو كل يوم يكلمو بعض بالجوال

ابرار ارسلت لعبدالله رساله مكتوب فيها
{عبدالله انا بقول لامي عنك وشرايك !! بقول لها انى احبك وانت تحبنى واحنا بس نكلم بعض على النت بس اوك}
رد عبدالله برساله
{اوك بس ابغا اعرف شنو بتقولي لها قبل عشان ايذا كلمتهم اعرف شنو اقول}
ردت برساله {انا قالت لامي وامي بتقول لمحمد اخوي ..انا الى قالت لها اني اكلمك مسن بس وانك انقذتنى من رعد وكذا }
رديت برساله
{اوك حياتي }
قالت ام ابرار لمحمد السالفه وهو تقبل الوضع بس بعد ماعرف كم عمري تفأجا
بس قال طيب .
قلة دخلت ابرار لمسن وصارو اها يمنعوها
بس كانت تكلمنى جوال
...
صباح الخميس
اتصلت ابرار وكان جوالى على الشاحن ردت الوالده
ابرار :هلا حياتي صح النوم
الوالده متفاجاه : الو مين
سكتت ابرار وسكرت ودقت مره ثانيه
الوالده ركضت لي وانا من شفتها تركض دريت انها ردت على ابرار
الوالده :جوالك يرن
عبدالله :مين
الوالده :مدري
عبدالله :ايه هذا محمد يبغا نروح نطلع رخصه
الوالده :رد اقول
عبدالله :هلا بو فارس كيف الحال لا مابجي موفاضي لخشتك انت ووجهك انا بفطر وبنام لا تعود تتصل الا الحين باي
ابرار :سمعت الى قاله عبدالله جلست تضحك
الوالده :لاتقعد تطنز على انا سمعت صوتها بنت
عبدالله :لا شنو بنت بس هذا صوته عذاب نفس البنات بالزبط
الوالده <<قاعده تطنز :صح النوم عبوددي
عبدالله :قالت لك هذا محمد تبغي ادق واحطه اسبكر
الوالده :ايه
عبدالله : اها بس هذا الى باقي تسمعو صوت رجال ماينرا يكمن يسب او شي وانا حاطه سبيكر
الوالده : اقول دق وخلصنا
عبدالله :ابغا الحمام حصران وراح نقز الشارع ودق على ابرار وقال لها ايذا اتصلت لاتتكلم لين تسمع صوتي قالت اوكي وسكرت وسكرنا موضوع الاتصال مع الوالده
.......
على المسن
عبدالله :هلا بمن اعشق هلا
ابرار :هلا بيك ولايكفيك
وبدت الهذرى كلعاده بس في نص السوالف
ابرار : بكرى بنروح مجمع البستان مع البنات
عبدالله :من بيوديكم ! اوديكم انا خخخخ
ابرار :حياك على الاقل اشوفك
عبدالله :لا ماراح اجي انا مشغول البكرى اصلن
ابرار :على راحتك ,,انزين بستشيرك ابغا اشترى جوال شنو اخذ !
عبدالله :مدمر او دمعه
ابرار :لا ابغا شي ضعيف عشان اعرف وين اخشه
عبدالله :موتوريلا
ابرار :ابغا نوكيا
عبدالله :اخذي الفيصليه بس المطور
ابرار :بس عدل
شرت ابرار جوال بدون علم اهلها وكانت تغبيه في كبوس دبوبها وطول الوقت صامت
.............
دقت ابرار عليى وكانت تصيح
عبدالله :خير شفيكي تبكين
ابرار :انا انخطبت وابوي وافق
عبدالله : يعنى خلاص وافق على طول مو المفروض ياخذو رايك
ابرار :هذا ولد خالى حسام ولو رفضناه بتصير مشاكل
عبدالله :ابرار الى هنا وبس انا مااقدر اكلمك وانتي مخطوبه انا ماارضاها على ولا عليك
ابرار :ولا انا والدموع تسيح بالارض
عبدالله : خلاص انا بودعك وهذا اخر مكالمه اوك
انهار عبدالله على الارض مغمى عليه بالشارع وكان الجوال مشغل وابرار تناديه
لحسن الحض عيال حارته كانو قراب يمه جابو بصله وخلوه يشمها وجلس ودق على ابرار بعد ما تطمنو عليه وودعها بس في نهايه المكالمه طلبت منه ابرار انه يقول لها احبك اخره مره
بس كان رده الصاعقه بنسبه لها
عبدالله :هذي الحين مو من حقي من حق خطيبك باي
وسكر الخط وطوطوطوطوط
هل هنا انتهت قصه عبدالله وابرار !!
نتابع مع الجزء الرابع
................
بعد اسبوع من المكالمه دق جوال عبدالله وكان نايم <<كان مزعجه واحد من ربعه يدق عليه يبغا يروح معاه البقاله
عبدالله :حميدان يالدب مانى ناقصك ابغا انام تعبان ما تفهم ترانى بجيك بساطور وبذبحك
ابرار :افا عبودي تذبحني
عبدالله >مو مستوعب :انا قاعد احلم او حقيقه وقام يصارخ سميه {خدامتهم}تعالي اقرصينى
ابرار تضحك :لامايحتاج انا اقرصك
عبدالله >يسوى روحه متضايق وهو متشقق فرح :هلا ابرار شخبارك مع حسام عساكم بخير!
ابرار :خلاص حسام باح باح
عبدالله :وشلون
ابرار :التحليل طلع عكسي
عبدالله قام يناقز ورجعت المياه لمجاريها
بس مع بدايه رجعت المياه بدايت المشاكل لنا نحن الاثنين
الوالد : قوم دقيقه عن النت
عبدالله :اوك
قام يتصفح الوالد النت وبوصول رساله على ايميلي فتحها وكانت اعلان بس قام يقرى الرسايل كلها بس كانت كلها اعلانت وفجاه وصلت رساله فتحها
{اوك مابزعل}مقتبسه من {هلا حياتي لاتزعلى ترى لو زعلتي بذبح روحي احبك }
ابوى قرى الرساله ومسكنى طق ومنع عنى النت وصار كل يوم يعايرنى بهالسالفه .
في نفس الوقت
حوراء بنت خالت ابرار كانت بيت جدتها وتسولف مع الجده
حوراء: هلا سيده
الجده :هلا بيكي بنيتى تعالي تشوهى >اشربي شاهى
حوراء :اوكي
{قالت ابرار لحوراء انها تحبنى وانها كلمتنى مره بس حوراء كانت دائما تعيش الموقف }
الجده :ليش ماتروحي تجلسي مع بنت خالتك ابرار !
حوراء : لا ما ابغا هالوسخه
الجده :ليش عاد
حوراء : تطلع مع اولاد بالسياره وتتمشى معاهم هي وصديقتها روئ
{روئ افضل صديقه لابرار تهاوشت مع حوراء من قبل }
الجده :انا ما اسمح لك تقولي كذا عن بنت خالتك قومي اطلعي من بيتي
حوراء :اهئ اهئ وطلعت تركض
شافها خالها صالح
صالح :وش فيكي حوراء
حوراء :السيده طردتنى
صالح :ليش عاد
حوراء : السالفه ياخالى xxxxxx
صالح :انتي متاكده من كلامك
حوراء : ايه حتى اسمه عبدالله ومن الهفوف
صالح :نتفاهم مع امها اليوم واخوها محمد
حوراء :اوكي
صالح :تقولي السالفه في وجهها !
حوراء :في وجه ابوها بعد
{حوراء كانت حاقده لان ابرار كان الكل يحبها وان سمعت ان صادق ولد عمها راح يخطب ابرار وصادق كان حلم الطفوله بنسبه لحوراء}
ترقبو ما يحدث في الجزء الخامس
هل صيصدقو ما بتقوله حوراء ام لا !!

الجزء الخامس
ام ابرار ومحمد اخوها وصالح خالها وحوراء بنت خالتها في المجلس لحالهم
محمد :قولي حوراء شنو عندك
حوراء:انا ما ابغا اسوى مشاكل بس انا خايف على بنت خالتي عشان لايصير شي ويطيح الفاس بالراس
محمد :فيكي الخير يا بنت الخاله
حوراء :السالفه كيت كيت كيت كيت >مع زياده كثير من المواقف الخياله على مالفته
محمد :وانتي شدراكي !
حوراء :واحنا بالمدرسه شفته تركب معاه هي قدام وورئ ورى
>الموقف الحقيقي هذا اخو روئ مو عبدالله وسالفت المقاعد زياده سكر
محمد :انا اعلمها حشرب من دمها
انتهى النقاش والكل صدق حوراء وتشوهت سمعت ابرار
........
محمد مسك ابرار طق وكفخها لين ما اغشى عليها من التعب وتركها ومشى
حوراء سمعت من البنات ان ابرار عندها جوال مامرت دقيقتين الا ودقت على محمد وقالت له
ابرار سمعت المكلمه فاخذت الجوال وغبته عند الخدامه
ومسكها محمد طق ثانى طلعي الجوال طلعي الجوال
ابرار : ما عندي بس انا اخذت من صديقتي جوالها يومين اتسلى به وانا رجعته لها
محمد :كذابه كذابه طلعيه
ابرار :ما عندي
محمد تعب وابرار كان طبعها عنديده مستحيل بهالطريقه تقول شي
بيت ابرار انقلب فوق حدر وبعد يومين اتصل صادق وردت ابرار :هلا بنت عمي
ابرار :هلا بيك
صادق :شفيكي احس صوتك متغير !
ابرار :ماكو شي
صادق :انا ترى احس وسكر السماعه
تذكرت ابرار بهاذه اللحضه..... لما صادق كان بيوصلها بيتهم فطلب منها انه ياخذها فره على الجبل ووافقت فوقف قبال الجبل وقرب راسه من ابرار كانه يبغا يقبلها بس ابرار قالت لها وهى خايفه ممكن تودينى بيتنا فابعد راسه واوصلها وسار عنها بلا تردد
......
جلست ابرار تفكر هل يحبنى صادق او شنو بس انا احب عبدالله وما ابدل فيه باي واحد من العالم بس عبدالله مستحيل يتزوجنى ريض عليه يبغاله ٦ سنوات وصادق يقدر يخطب لو بكرى
...التكمله بالجزء القادم
من سوف تختار عبدالله ام صادق !!
........................
الجزء السادس
عبدالله :هلا ابرار شحالك اليوم انشالله احسن !!
ابرار :ايه احسن
وجلسو يسالفو كل العاده
وفي نص السوالف
ابرار :شافت رؤى صورتي وطلبتنى ارسلها لها اصبر لي شوى برسلها لها وبكلمك
عبدالله :ابغا اشوف الصوره
ابرار : هو هو احلم فيك انت ما خليتنى اشوفك تبغا تشوفنى
عبدالله :اوكي وحده بوحده ارسلي وارسل
ابرار :اوكي
طط طن طط طن وصلت الرساله
ماشفت الا ذايك القمر قبالي لم يبن من جسمها غير الوجه فقط وكانت تضع فوق راسها الشال الاخضر الخليجي والابتسامه على شفتيها من رايت الصوره وقبلبي يخفق بشده جلست اناضر الصوره لاكثر من نص ساعه بعدها اتصلت على ابرار ولم ترد ارسلت لها رساله {بحبك وحشتينى بحك وانتي نور عينى لوانتي مطلعه عينى بحبك موت لفيت ادئي لفيت مالقيت غير حضنك بيت وبقولك انا حنيت بحلو الصوت}
ورجعت انضار الصوره وبلحضه ترن ترن رن جوالي عبدالله:الو هلا حياتي وعمري انتي
ابرار :هلا بيك عبوودي ها شفت الصوره¿
عبدالله: قمر اشهد انك قمر
ابرار :عاد عبودي استحي انا
عبدالله :وليش تستحي من الحق انتي اجمل بنت شفتها بحياتي
ابرار :لو ادري ان لسانك بيصير حلو كذا من زمان رسلت لك
عبدالله : هذا المفروض وين كان متخبى الجمال ذا كله وانا مدري
ابرار : استححححي
عبدالله :احلى ام الدلع ذا اموت فيه
ابرار :يالله جا دورك ابغا صورتك
عبدالله : اوكي
بس مو الحين خليها بكرى اوكي!
ابرار :اوكي ,يالله ابوي على الباب باي
عبدالله :احلى باي لاحلى قمر
سكرت السماعه وانا افكر ارسل لها صورتي او لا فقررت اني ارسل صورتي بس تكون على جنب ومو وطالع وجهى عدل (كنت اخاف يصيدو جوالها ويعرفونى) ورسلت الصوره وكتبت وراها {قلت ياخوفي يدمن القلب فيك ويصير اشتياقي بكل الاوقاتي قلت ابشري ادمن اليوم احاكيك وصرت اخذ بصوتك جرعات وجرعات لا تحرمنى من صوتك الله يخليك ياويلك من الله ايذا عبدالله مااات }
ابرار شافت الرساله وحست انها سوت الصوره انجاز كبير فما كنت انا اتغزل بها بهالشكل من قبل وكان فرق واسع واما صورتي فلم تعجب بها لانها لم تكن واضحه وغير مقنعه .
قررت ابرار ان ترسل من صورها بين الحين ولاخر .
واناكلما ارى صوره تكون احلى من التي قبلها وكنت انضهرهم كل يوم

الجزء السابع
لم تكلم ابرار اخها محمد من ضربها ولا حتى وقفت امامه فكانت غاضبه بشده عليه وفي يوم ذهبت الى بيت جدتها ورأت هناك خالتها {ام حوراء}
ابرار : عاش من شافك خالتي
ام حوراء :عاشت ايامك
ابرار :وين بناتك من زمان ماشفناهم
ام حوراء: والله زعلانين في ناس طلعو عليهم كلام ولا جاو
ابرار متفاجاه : شنو خخخخخ
ام حوراء:وش فيكي تضحكين
ابرار :ولاشي انا بروح الصاله اسلم على خوالي تبغي شي .
ام حوراء:سلامتك
{حوراء عاشت الخيال مع نفسها واعتقدت ان كل الكلام الى قالته انقلب ضدها فما تبغا تجي تفشل روحها }
جلست ابرار مع خوالها وفرفشت معاهم وكان صادق ولد عمها موجود وكان يناضرها دايم مع ان هى بعباتها
ابرار :يبا قوم ودنى البيت
ابوها : تو الناس قعدي
ابرار :وراي اختبارات قوم
صادق : خلك عمي انا اقوم اوصلها
ابرار :لا لا الا انت
ابوها :ليش يعنى صادق ولد عمك وبه شي
ابرار :لامو قصدي بس ما ابغا اتعبه وابغاك انت يايبا عشان نروح المكتبه نأخد كم غرض
{صادق >فهم ان الموقف الى سواه لابرار من قبل الى الحين في ذهنا }
صادق :خلاص على راحتك يابنت عمي انا استاذن بروح عندي شغل
ابرار :اذنك معك
........
جا وقت اختبارت الفصل لاول وانا كل فتره وفتره اتصل على ابرار احس انها تحسنى واذاكر خلصت الاختبارات وطلعت النتايج
نسبتي ٩٥
نسبت ابرار ٩٦
كنت فرحان لانى من دخلت المتوسط وانا طول الوقت جيد جدا وكانو اهلي يحبطونى بقولهم انت جيب ٩٠وحنا راضين عنك بس
اهلى كلهم تفاجو بنسبتي بقولهم من متى عبدالله يأخذ ممتاز بس نفس الشي الوالد ان اخذت ضعيف او اخذت ممتاز غير راضي عنى
ومع بدايه العطله فكرت اتصل على رعد واسبه بس كذا جنان
وكل ما اتصل جواله مقفل دائما جواله مقفل وفي احد الايام فكرت انه حاضر رقمي {خصوصا ان رقمه مميز يعنى ليه يتركه !}فقررت انى اتصل من جوال احد الشباب واتصل وايذا
توت توت رعد :الو
سكرت السماعه وانامتفاجه كيف عرف رقم وليه حضره اكيد ابرار تكلمه وقالت له يحضر رقمي {حضر الارقام :برنامج تضع في اي رقم وايذا اتصل بك يجيبه ان الهاتف المطلوب .......}

اشتغلت في قلبي نار الحقد والغيره , انا عبدالله تلعب علي بنت ,لا والله ما بقى غير هذي .
اتصلت على ابرار لاتفاهم معها
التكمله في الجزء القادم
شنو بيسوى عبدالله بابرار وهل بيسامحها او يتركها
التفاصيل بالجزء التاسع
........................
الجزء التاسع
عبدالله : الو
ابرار :هلا حبيبي
عبدالله سمعها تقول حبيبي ركد قلبه :هلا بيكي حياتي قولي شسويتو اليوم
وجلسو يهذرو كالعاده بس في نص الحديث
عبدالله : بجي اليوم القاره مع الشباب
ابرار :ابغا اشوفك
عبدالله : اوكي > هذي اول مره يحط في باله انه يشوفها
ابرار : تعالى المدرسه في ونهايه الدوام انا بلبس شنطه زرقه وعباتي مزخرفه بوردي
عبدالله :اوكي انا بوقف عند الباصات وبنزل من السياره بلبس شماغ وسيارتي هوندا اكورد لوحته
أ هم 001
لونها ابيض اوكي وانا لابس نضاره شمسيه
ابرار :اوكي
ورحت على الموعد وانا قالت ايذا شفت بنت مربوشه قاعده تقزقر كنها تايهه هي
انا ماشفت الا بطلعت البنات والى توقف قبالى والى تصعنى وتقول اسفه ولى طول الوقت تطالعنى حسيت ان كلهم ابرار بس فجاه شفت وحده فاتحه عيونها بقوى ماتبغى توخرها عني وقاعده تحرك راسها وكانها تقولي انا ابرار
انا استحيت ونزلت راسي وبرنت الجوال
عبدالله :هلا برورتي وينك
ابرار :شفتك عبدالله انت قبالي الحين شفت باص الفرات المضلل انا داخله
عبدالله :شلون اشوفك !
ابرار :الحق الباص وانابنزل عن بقاله وانت الحقنى
عبدالله :اوك
نزلت ابرار عند بقالها اسمها الحبايب وشفتها وقمت الحقها وقدمت عنها بسياره ونزلت وكانى انتضرها
ابرار راسها طوال الوقت على الارض
وانا اناس يطالعو فينى شخصيتي باينه حق مغازلجيه
وصلت ابرار عندي وقالت :اركب سيارت والحقني من بعيد الى بعيد
عبدالله :اوكي
كنت طول الوقت اكلمها بالجوال وانضرها الى ان وصلت بيتهم
عبدالله :ابغا اشوف وجهك حياتي
ابرار :اوكي
فتحت ابرار وجهاا وضلت بالحجاب وشفت القمر انا
مشيت عنها وكانت تناضرنى
اتصلت عليها
عبدالله :ها ابرار شرايك فينى
ابرار :بصراحه فرق بين الصوره والحين انت احلى من الصوره بكثير كثير ماتتصور شكثر دخت عليك
عبدالله :صحيح
ابرار :صحيح حياتي
عبدالله :خلاص بجي مره ثانيه
ابرار :ايه ايه تعال بكرى
عبدالله :لامو بكرى الاربعاء
ابرار :اوكي
عبدالله :بس ابغا اتمشى معاكي
ابرار : امم خلاص
عبدالله : مثل المراه الى راحت اول ماتطلعي من المدرسه اشوفك وقبل ماتدخلي بيتكم اكلمك
ابرار :اوك قبلبي
عبدالله : بس انا بلبس بدله بيضه وجنز اسود وقبعه زرعه اوك
ابرار :اوك
........
يوم الاربعاء
عبدالله :هلا حسن وينك
حسن :هلا فيك عووبد انا في الهفوف ليش !
عبدالله :سيارتي معطله وانا ابغا اروح القاره عندي مشوار مع لام السعد
{ام السعد :لقب يطلق على البنت الى تونس الرجل }
حسن :اوك يالخوي دقايق وانا عندك
دقايق الا وصل حسن وركبت معه %الساعه كانت ١ الا ربع %كنا مسرعين وصلنا مطبات القاره وشقحناها ماشفنا الا السياره كلها قار
حسن : عبدالله في الشنطه فوطتين جيبهم بسرعه وتعال
عبدالله :اوكي
وقف شاب طيب وعرض علينا المساعده وحنا وافقنا
عبدالله :مشكور ياطيب ماقصرت بس ماعرفتنا على اسمك
الشاب :معاك صادق الxxxx
حسن :تشرفنا بك انا اسمي حسن الxxx ‎‏ وهذا عبدالله ال***
صادق : يالله انا ماشي تفضلو
عبدالله :زد فضلك مع السلامه
ركبنا السياره والساعه ١ وربع وكان جوالى عشرين مكالمه لم يرد عليها
اتصلت على ابرار
عبدالله : هلا ابرار وينك
ابرار دخلت بيتنا
عبدالله : اها خلاص صار لنا موقف وانا اسف
ابرار : تعال عند باب بيتنا ابغا اشوفك من النافذه
عبدالله :اوكي
طلعت لي ابرار من البلكونه وشفتها بشعرها وكانت احلى بنت شفتها بالعالم وهي شافتنى وعجبتها اكثر واكثر واتفقت معاها اشوفها عند مركز اسمه الحبايب بالقاره يكون في يساره جبل على الساعه ٣ العصر
{انا قررت بهذا القئ انهى علاقتي بابرارواوجهها بالى عرفته واهددها بصورها او تعطينى مبلغ مالي} هذي كانت نيتي
.........
الساعه ٣ رحت عند المكان المحدد وشفتها وعلى طول رحت لها وتمشيت معها
عبدالله :وربي انك قمر
ابرار :وانت بعد قمر
عبدالله :ابرار انا ابغا اقولك شي
ابرار : شنو حياتي قول
عبدالله : ابغا اقولك انى اعشقك موت واذوب فيك
{ابرار كانت تحاول تمسك يد عبدالله بس عبدالله يسوى روحه ما يدري }
ابرار :يالله انا ماشيه
عبدالله :بالحضن والصون

..............
رجعت الهفوف ودقيت على ابرار وكان جوالها مقفول دقيت اكثر من مره وبعده مقفول مضى الاربعاء والخميس والجمعه وجوالها مقفل وخفت ان جوالها ينصاد
فقررت ان اتصل على صديقت ابرار روئ واشوف كان في خبر
عبدالله : سلامن عليكم
روئ :وعليكم السلام
عبدالله :انتي روئ
روئ :ايه
عبدالله :ابغاكي تشوفي ابرار وينها لها ٣ ايام ما ترد على جوالها
روئ : اوك بس من انتا >قرويه بحته
عبدالله :انا عبدالله
روئ :اوك انا الحين بتصل على بيتهم وبشوف شنو صاير
عبدالله :اوك يالله باي
روئ :بايات
{انا كان خوفى انهم يشوفون رقم ابوي او رقم بيتنا انا ما خليت مكان ما اتصلت منه على ابرار حتى المدرسه اتصلت منها وهي بعد ماقصرت عندي رقم ابوها وامها وبيتهم واخوها محمد ورقم جدتها بعد } بعد عشر دقايق
ترن ترن
عبدالله :هلا بشري
روئ : صادو عندها الجوال
عبدالله :شلون
روئ : مدري بكرى بشوفها بالمدرسه وبسألها
عبدالله : اوكي
{انا هنا خلاص خفت ان يوصل شي عند الوالد فبديت اجمع الاعذار وكذا }
في اليوم التالي اتصلت روئ
روئ :هلا عبدالله
عبدالله :يالله قولى السالفه كامله
روئ : ابوها شاف شاحن الجوال في غرفتها فراح وقال لابرار تطلعه ابرار انكرت فخلى امها تدخل معها وتفتشها واول ما طاح الجوال فتحته واخذت الشريحه وكسرتها فامسكوها وطقوها طق الحمير عشانك وهي من كثر خوفها عليك ما قالت ولا نص حرف
عبدالله :بعد قالبي ابرار
روئ :ايه مسكينه
عبدالله :وصلي لها سلامي وقولي لها اي شي تبغاه انا حاضر
روئ :اوك
اول ما سكرت السماعه انا ارتحت لان اهل ابرار ماعندهم علىى شي وانا ماسك على ابرار كثير ارقام وصور وخبصه
تبغو تعرفو شنو صار بعدها
انشالله بالجزء العاشر

الجزء العاشر
ابرار تكفخت وبقوه واخوها هددها انه يقتلها بس ابرار كانت عنيده وترد عليه بثقه اقتلنى اقتلنى اخذ السكين وتعال اذبحنى تركها محمد ومشى عنها
في صباح اليوم التالى رن الجرس كالعاده كان صادق ولد عمهم جا يأخذ محمد معاه الدوام
ابرار :مين !
صادق :انا افتحي
ابرار وهي تفتح الباب :هذا انا فتحته
صادق على طول دخل وباس ابرار في جابتها ...ابرار دخلت غرفتها تركض
محمد :هلا صويدق مادري هالخبله اختي متى تعقل
صادق :ليش شفيها
محمد :قاعده تركض من قبل شوى وطاحت على وجهها
صادق :بعد قلبي ابرار قوم نوديها المستشفى
محمد :لا خلاص ابوى يوديها
صادق :خلاص بس اتصل عليها وطمنأ
محمد :وانت شدخلك
صادق :ها بعد بنت عمي واسال عنها
محمد :لا تسوى نفسك بس تعرف الواجب تذكر يوم اطيح غشيان يومين لاسألت ولا شي
صادق :كنت اسأل بس ماقدرت اجي عندي اختبارات
محمد :اقول سوق وانت ساكت بس
صادق :اوك
من جها ثانيه كانت حوراء بنت خالت ابرار تفكر بطريقه تخلي صادق يناضرها ويتجه لها فما لقت غير انها تواجهه بحبها له
في الليل
جوال صادق يرن كان مشغل اغنيه {رشو على قبري من دموع عيناه ...ترن ترن }
صادق :الو هلا مين معي
حوراء : انا حوراء بنت عمتك
صادق وهو يسكر المسجل :هلا ببنت العم شخبارك وشخبار لاهل عساهم طيبين
حوراء:ايه كلهم بخير وانت عساك بخير
صادق :بخير عسا ماشر ام الحور شعندك متصله مو من عوايدك
حوراء :يعنى حرام نتصل بولد عمي لا خلاص انا زعلت بسكر
صادق :لامو حرام بس على بالى عندك موضوع
حوراء :ايه عندي موضوع
صادق :كلى اذان صاغيه
حوراء :انا سمعت انك تبغا تتزوج
صادق :ايه نعم ناوي
حوراء :بس كنت بقولك قبل ما تتزوج من احد غريب ان لك بنات عم يحبوك وما ودهم انك تكون لاحد غيرهم
صادق :من هم ذولا اي وحده زينب ,ابرار ,ليلى ,اي وحده
حوراء: وحده تكلمك الحين
صادق وهو متفاجئ :ولايهمك يابنت عمي انا بفكر بالموضوع وبشوف شنو الافضل وبختاره
حوراء:لك حريت الاختيار بس انا حبيت اقولك بس
صادق : اوكي والى تبغينه وصل
حوراء: مع السلامه
صادق :الله يسلمك
اول ماسكر صادق صار محتار بين ابرار الى في المستشفى بسببه وبيين حوراء الى تحبه مايعرف يختار بس الى سمعه عن ابرار خلاه يتركها وعزم يخطب حوراء
وخطب حوراء ووافقو اهلها وتمت الخطوبه على خير
من جهه ثانيه حست ابرار بالاهانه والاذلال من صادق لانه حاول يقبلها وحست انها سلعه سهله بيد اي واحد فكان بالبدايه رعد والان عبدالله وصادق فقررت انها تترك عبدالله او انه يتقدم لخطبتها
{نسيت ماقلت لكم بعد ماصادو الجوال كانت تدق من بيتهم بس تكلمه ااقل من اول }
ابرار :عبدالله عندي لك موضوع
عبدالله :قولي لي حياتي
ابرار :انا بصراحه ما عجبنى الى احنا نسويه
عبدالله :مافي حل غير كذا
ابرار :في حل واحد بس
عبدالله :شنو هو
ابرار :تخطبنى
عبدالله :بس انا لسى صغير
ابرار :على الاقل احجزنى
عبدالله :اهلى مستحيل يوافقو
ابرار :ما عندي كلام ثانى
عبدالله :بس انا عندي
ابرار :قول
عبدالله :انا ترى عارف انك تلعبي بذيلك وانك تكلمين رعد
ابرار :وصلت بك المواصيل انك تشك فينى
عبدالله :انا مو شاك انا متيقن
ابرار :مدامك شاك ايش تنطر سكر السماعه
عبدالله :لا بس انا ابغا اخذ حقي
ابرار :اي حق
عبدالله : حق الخيانه
ابرار : يعنى شنو بتسوى
عبدالله :بتصل على اخوكي محمد وبقوله
ابرار :وانا الى وثقت بك
عبدالله :وانا بعد ثقت فيكي
ابرار :شنو احلف لك عشان تصدق
عبدالله :قالو للحرامي احلف قال جاني الفرج
ابرار : هئ هئ انت ايذا سويت كذا انا بنتحر
عبدالله :ايذا تبغينى ما اخلي اخوكي يشوفهم ابغا عشر الالاف ريال
ابرار :ومن وين
عبدالله :كيفك شوفي الى تبغي تسويه
ابرار :خاف الله
عبدالله :انا خايف الله من قبل ما اعرفك
وسكرت السماعه
ابرار ماكان عندها احد تشتكي له او يساعدها فما لقت غير انها تتصل بصادق وتقوله السالفه بس كانت متردده بعد خطوبته بحوراء النذله بس ماباليد حيله
ترن ترن
حوراء :صدوقي جوالك يرن
صادق :شوفي من اسمه
حوراء :رقم غريب
صادق اشوفه
حوراء :تفضل

صادق :الو
ابرار :هلا ولد عمي شوف كلمنى على انى رجال اوكي
صادق :هلا بوعزوز اوكي
ابرار :ابغاك بموضوع ضروري
صادق كان قالبه يخفق لان ابرار كانت البنت الى حبها من قلبه
صادق :قول تفضل
ابرار :انت شكلك مشغول اول ماتفضى اتصل عليى
صادق : لاعادي اخذ راحتك بس دامك قالت كذا عشر دقايق وانا بتصل اوك
ابرار :اوك

حوراء :من هذا وشنو موضوعه
صادق :هذا واحد من ربعي المهم انا مشغول الحين اشوفك بكرى او بعده او الاسبوع الجاي
حوراء :اوكي
{صادق كان مستثقل دم حوراء وحس انها مريضه نفسي }
ترن ترن
ابرار :هلا صادق
صادق :هلا بيك ,انا سامعك قولي موضوعك وانشالله اقدر اساعدك
ابرار :اوك >وقالت السالفه من طقطق الى سلام عليكم
صادق :كل هذا يطلع منك يا بنت عمي
ابرار :شسوى كان الشيطان ساكنى
صادق :شنو تبغانى اسوى
ابرار :مدري اهئ اهئ
صادق :خلاص عطينى رقمه
ابرار :اوك
٠٥٤xxxxxxxx
صادق :اوك انا اشوف شنو بسوى بس انتي لا تقولي لاحد عن شي اوك
ابرار :اوكي

الجزء الحادي عشر
ابرار نفسيتها تعبانه ومرضت وودها المستشفى ولا احد يدري شنو فيها
صادق اتصل على عبدالله واتفق معاه انه يشوفه ويتفقو
التقى عبدالله بصادق في احدى القهوات بالاحساء وجلسو مع بعض وكانت المفاجاه ان صادق هو الشخص الى ساعد عبدالله وحسن في ازاله القار عن السياره
عبدالله :هلا صادق
صادق :هلا بيك
عبدالله :انت الشخص الى .....
صادق :ايه نعم
عبدالله :قبل ما تقولى اي شي او تحكم على اي شي اسمع السالفه منى
صادق :اوكي
عبدالله :السالفه ومافيها......الخ وانا جربت اتصل على رعد من جوالى مقفل وجربت من جوال غير مفتوح
صادق :اها
عبدالله :عطنى جوالك وبجرب يمك عشان تتأكد
صادق :اوكي
اتصل عبدالله على رعد من جوال صادق ورن
عبدالله :وشوف بتصل من جوالي
واتصل ورن بعد
صادق :هذا رن
عبدالله :غريبه شكله شال الحضر
صادق :لا مو شال الحضر بس انت شكاك
عبدالله :انا اسف والحين امسح صور بنت عمك واعتذر لها وبخطبها بعد
صادق :تو الناس البنت ماتبغاك خلاص
عبدالله :انا بتصل وبجرب
وفجاه اتصل محمد على صادق وكان يبكى وبلغه بوفاه ابرار
عبدالله انصدم :وجلس يبكي وينوح ومو عارف شنو يسوى
وصادق جلس يهزى عبدالله @

صادق : هذا نهايه عملتك ومسك جوال عبدالله وكسره قطعه قطعه وقال استرعلى البنت تراها ماتت ولاتعذبها بالاخره زي ما عذبتها بالدنيا
عبدالله وهو مو عارف يتنفس :ولا يهمك
تفارقو صادق وعبدالله
رن جوال صادق
من تعتقدون !!!
انشالله بالجزء الثانى عشر
...............................
الجزء الثاني عشر
صادق :هلا
ابرار :هلا بك ها وش صار
صادق :الخطه تمام التمام حذفت صورك كلها وكسرت الجوال والحين على باله انك توفيتي وقاعد يترحم عليكي
ابرار :مسكين والله بس خلاص انا صرت ما اثق به
صادق :صحيح انه طيب بس تركيه عنك
ابرار :انا مو عارفه شلون اشكرك احس انه هم ونزاح اطلب الى تبغا .
صادق : ابغا بس طلب واحد .
ابرار :تفضل
صادق :ابغا اخطبك
ابرار :وحوراء
صادق :اتركيها عنك هذي مريضه نفسيه انا تركها عندي عشان لا تسوى بروحه شي
ابرار :بس
صادق :انا طلبك ولزم توافقي
ابرار :خلاص انا موافقه
......
جلست حوراء مع صادق وهم يسالفون
حوراء :ابغا اقولك شي
صادق :قولي
حوراء :ترى كل الكلام الى قالته عن ابرار غلط من تاليفي قالته كذا عشان اخذك منها وتكون لي
صادق :صدق ماتستحين
وطلع صادق وارسل لها ورقت فسخ الخطوبه
خطب صادق ابرار ووافقو اهلها
وقال للاهل سبب فسخ الخطوبه من حوراء والكل تقبل الوضع

.....................
الجزء الاخير
?¿|{يوم الزواج }]?¿
عبدالله كان يدري ان ابرار ما ماتت بس كان يمثل وحضر زواج صادق
عبدالله :مبروك زواجك منك المال ومنها العيال
صادق وهو يضحك ويضرب عبدالله على ضهره :الله يبارك قرب راسه من اذن عبدالله انت اجتهد وانشالله تحصل بنت احسن من ابرار بمئه مره
عبدالله :انشالله
.......
في صاله النساء
جات حوراء الى ابرار وكانت متزينه وفي غايه الجمال
حوراء :مبروك ابرار وانا اسف على الى سويته وانشالله نرجع حبايب احسن من اول
ابرار :الله يبارك فيكي وعقبالك
حوراء :انشالله
{خطب محمد حوراء بعد صلحها مع ابرار بسبوع }
وعاش الكل بسعاده وهنا
..............
{لاتنسو بدايه القصصه }
ابعدتو عينى عن الصوره ومسحت دموعي التي انهارت على خداي وايذا بأذان الفجر قد حل مسكت جوالي ومسحت كل الصور وذهبت الى المسجد ودعيت لي ولها بالتوفيق
ورجعت لبيتنا وكانت امي جالسه تنتضرنى فقبلت راسها وسامحتنى واكمالت حياتي بهدوئ

....................
شخصيات القصصه
{عبدالله} :مثل الرجل الذي يعيش مراهقته مثل جميع الشباب شاب يتعلم من اخطائه لاكنه سريع الحكم على الاشخاص .
{ابرار }: تثق بالجميع ثقه عميا ولا تفكر بما سوف يحصل بالمستقبل ولكنا بنهايه تسقط في هاويه هذه الثقه
{رعد } : الرجل الجبان الذي بخاطره ان يلعب في البنات فقط وليس له اسلوب النقاش
{محمد} :يفعل مايفعله اي شخص عندما يسمع عن عرضه اي امس او خدش
{حوراء} :البنت الحقوده التى لايهمها احد غير نفسها وراحتها فقط وتقع في شر اعمالها
واخيرا
{صادق} : مثل الرجل الطيب المتسامح يحب كل الناس والجميع يحبه لا نقل ان كل مايفعله صحيح بل كان في البدايه خطأ ولاكنه صحح اخطائه بالطريقه الصحيحه
...............

قصة بالعربي والانجليزي
مشكووووووورة حبيتها لان فيها اسم رفيجي الغالي

اميغسي بوكو عالمرور الرائع

مشكوره عالقصه وااايد اعجبتني

الحمدالله انها عجبتج Laughing

ثانكس عالمرور